Afət Yaqubova 

           İctimaiyyətlə əlaqələr üzrə mütəxəssis, PR menecer

Əlbəttə yarada bilər. Praktiklər də, nəzəriyyəçilər də işçinin yaratdığı böhranın 2 tip olduğunu qəbul edir:

Bilərək (ixtiyari) yaradılan böhran. Məsələn, bura şirkətlə bağlı məlumatların sızdırılması, daxili problemlərlə bağlı açıqlamalar və s. kimi aiddir.

Bilməyərək (qeyri-ixtiyari) yaradılan böhran. Əməkdaşın etdiyi hansısa hərəkət, paylaşdığı məlumat, həyat tərzi və s. səbəblərdən bilmədən çalışdığı qurumun böhrana düşməsinə təsir göstərib.

Amma peşəkar praktiklər və nəzəriyyəçilər deyirlər ki, fərq etməz, işçinin bilərəkdən və ya bilməyərəkdən yaratdığı bütün böhranlar qurumun, şirkətin, dövlət müəssisəsinin bilərək (ixtiyari) düşdüyü, yıxıldığı böhran sayılır.

Səbəbi isə ondan ibarətdir ki, bu böhranların yaranmasına əməkdaşlarla işin yaxşı qurulmaması, liderlik bacarığı olmayan kadrlara üstünlük, zəif menecment (idarəetmə), korporativ qaydaların, o cümlədən etik qaydaların oturuşmaması səbəb olur.

Bütün bunlarda isə yalnız qurum günahkardır. İstər dövlət müəssisəsində çalışan hər hansı işçi olsun, istərsə də özəl şirkətdə çalışan kimsə. İşçinin qurum adına yaratdığı böhranın səbəbkarı elə çalışdığı qurumdur.