Bir neçə gündür yumurtanın qiymətində ucuzlaşma müşahidə edilir. Belə ki, əvvəl 17-18 qəpiyə satılan yumurtalar hazırda 10-12 qəpiyə təklif olunur.

Yumurtanın qiymətinin hazırda ucuzlaşmasının səbəbi nədir? Qiymətlər yenidən arta bilərmi? 

Bununla bağlı Valyuta.az-a danışan iqitsadçı Akif Nəsirli bildirib ki, yumurtanın qiymətinin ucuzlaşması mövsümi xarakter daşıyır:

“Çünki artıq yaz gəlir, havalar isinir, həm də yumurtaya tələb azalmağa başlayır, həm də bu mövsümdə toyuqlar daha çox yumurtlayır”. 

Ekspert yumurtanın ucuzlaşmasına daha bir səbəb də göstərərək bildirib ki, yumurtanın ucuzlaşmasının bir səbəbi də ixracaatın artması ilə bağlıdır:

“Bu işlə məşğul olan fermerlər, sahibkarlar yumurta ixracına da başlayıb. Buna görə də istehsalı genişləndirirlər. Bu da müəyyən qədər nizamsız istehsal artımları üzə çıxarır. Lakin izafi istehsal da getdikcə tənzimlənəcək, təxminən yumurtanın qiyməti 14, 15, 16 qəpik civarında sabitləşəcək. Amma qiymətlərin daha çox artması isə hələki gözlənilən deyil”. 

Davud