Sosial şəbəkələrdə üzərində ƏDV olan çeklərin satışı ilə bağlı video yayılıb. 

Videoda göstərilir ki, səliqəsiz formada yığılmış ƏDV çeklərinin 1 kilosu 35 manat, 100 qramı 3.50 qəpik, səliqəli formada yığılmış çekin 1 kiloqramı 45 manat, 100 qramı isə 4.50 qəpiyə satılır. 

Bu çeklərin satışa çıxarılması qanunidir? 

Mövzu ilə bağlı Valyuta.az-a danışan hüquqşünas Əkrəm Həsənov bildirib ki, burda qanunsuzluq yoxdur. 

Belə bir qadağa yoxdur. Lakin bunu satan şəxsin hansı marağı ola bilər?  Böyük ehtimalla bunu satan şəxslər insanları aldadır. Onlar yəqin ki, bu ƏDV-ni vurandan sonra o kağızı ƏDV-si var adı ilə satırlar. Bu da dələduzluqdur. Yəni, sağlam məntiqlə düşünsək, sual yaranır ki,  mən əlimdə olan ƏDV-ni niyə özüm istifadə etmirəm, başqasına satıram? Burdan belə nəticəyə gəlinir ki, insanları aldadırlar. Bu qanun pozuntusudur. Lakin kimsə əldə etdiyi ƏDV çekini satırsa, bunu qanunsuz adlandırmaq olmaz. Ancaq araşdırma aparıb bu çeklərdə ƏDV olub-olmadığı müəyyənləşdirilə bilər”. 

Davud