“Azərbaycanda məişət tullantılarının idarə olunması çox ciddi məsələdir”
“Azərbaycanda məişət tullantılarının idarə olunması çox ciddi məsələdir”.
Bunu Valyuta.az-a açıqlamasında ekoloq Xosrov Musayev azad edilmiş ərazilərdə məişət tullantıları poliqonlarının yaradılmasının məqsədlərindən danışarkən deyib. Onun sözlərinə görə, poliqonlar xüsusi ilə kənd və şəhərlərdə salınmalıdır:
“Bir çox dünya ölkələrində bu məsələ çoxdan həllini tapıb. Bizdə isə bu hələ problem olaraq qalır. Bəzi rayonlarda məişət tullantılarının idarə olunması yaxşı təşkil olunub, bəziləri isə zəifdir, hara baxırsan küçələr zibil içindədir. Bunu yaradan insanlardır. Əllərinə nə keçir yerə atırlar. Getdikcə insanların da sayı şəhərdə artır. Belə olanda məişət tullantılarının idarə olunması ciddi problemə çevriləcək”.
Xosrov Musayev vurğulayıb ki, məişət tullantılarının vaxtlı-vaxtında daşınmaması antisanitariyaya gətirir və bu da ətraf mühitin çirklənməsinə səbəb olur:
“Bu bölgədə poliqonların yaradılması alqışlanmalıdır”.
Qeyd edək ki, Dövlət Ekoloji Ekspertiza Agentliyinin İdarə Heyətinin sədri Mirsalam Qənbərov işğaldan azad edilmiş ərazilərdə - Ağdam, Tərtər, Xocalı, Kəlbəcər, Laçın, Qubadlı və Cəbrayılda müvəqqəti bərk məişət tullantıları üçün poliqonların yaradılacağını bildirib.
Aylin
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay