Ekspert
15.01.2024 / 17:15
"Bank Avrasiya"nın depozit portfeli məbləğinin 39 faiz azalması onun risklə üzləşdiyinə işarədir"
40460
“Bank Avrasiya” ASC-nin 2023-cü ildə depozit portfelinin məbləği 48 milyon 484 min manat olub.
Bankın maliyyə hesabatında göstərilir ki, "Bank Avrasiya” ASC-nin 2023-cü ildə depozitlərinin məbləği 2022-ci illə müqayisədə 31 milyon 215 min manat, yaxud da 39,1 faiz azalaraq 48 milyon 484 min manata düşüb.
Məlumata görə, hesabat dövründə "Bank Avrasiya”da fiziki şəxslərin depozitlərinin məbləği 24 milyon 622 min manat, yaxud da 36,7 faiz azalaraq 42 milyon 449 min manat olub.
Hüquqi şəxslərin depozitlərinin məbləği isə 6 milyon 594 min manat, yaxud da 2 dəfə azalaraq 6 milyon 034 min manat olub.
Valyuta.az-a açıqlamasında iqtisadçı ekspert Fuad İbrahimov bildirir ki, “Bank Avrasiya”nın depozit portfeli məbləğinin 39 faiz azalması onun risklə üzləşdiyinə işarədir:
“Depozit vətəndaşların banklarda yerləşdirdiyi kapitaldır. “Bank Avrasiya”dan vətəndaşların depozitlərini geri çəkməsi müxtəlif amillərdən qaynaqlanır. Adətən hansısa bir bankın risklərlə üz-üzə qaldığı barədə şayiələr yayılırsa, vətəndaşlar müddət gözləmədən vəsaitlərini geri çəkməyə meyl edir. “Bank Avrasiya”da 39 faizlik azalma artıq yüksək risk amilidir. Vətəndaşlar həmçinin inflyasiyanın yaratdığı ziyandan vəsaitlərini qorumaq istəyir. Ona görə də daha çox gəlir əldə etmək üçün başqa alternativ mənbələrə, əmlak bazarına üz tutur”.
Həmsöhbətimizə görə, yaranmış durum “Bank Avrasiya”nın yaxın dövrdə özünü bağlaması ilə nəticələnə bilər:
“Azalma 55 faizə düşsə, bu hal mütləq baş verəcək”.
Ramiz
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay