Çirkli pulların yuyulmasının qarşısı necə alınır?
Dünyada çirkli pulların yuyulması geniş vüsət alıb. Müxtəlif vasitələr ilə çirkli pulların yuyulması prosesi gedir. Bəs bu prosesin qarşısını almaq üçün dünyada və Azərbaycanda hansı vasitələr var?
Bu barədə Valyuta.az-a danışan iqtisadçı Natiq Cəfərli bildirib ki, dünyada çirkli pulların yuyulmasında son zamanlar ən geniş yayılmış forması koinlərdir:
"Dünyada 1500-ə yaxın virtual pul mövcuddur, onlar vasitəsilə daha çox çirkli pulların yuyulması həyata keçirilir. Buna qarşı müxtəlif mərkəzi banklar mübarizə aparmağa çalışır, bu hələlik o qədər də əhəmiyyətli deyil, amma hər bir halda son 15 ili götürsək, koinlərin bazara çıxması çirkli pulların yuyulmasında çox aktiv rol alıb. Azərbaycanda bu problem o qədər də ciddi deyil, bizdə koin bazarı inkişaf etməyib. Bizdə çirkli pullar daha çox korrupsiya əməllərindən yaranır. Daha çox korrupsiya vasitəsilə əldə edilir".
İqtisadçı qeyd edib ki, Azərbaycanda çirkli pulların yuyulmasına qarşı formal normativ aktlar qəbul olunub: "Təəssüf ki, bunlar daha çox vətəndaşın addımlarını məhdudlaşdırır, korrupsiya qarşı mübarizə ilə addımlar daha az görünür. Məsələn, valyutaya çıxış imkanının məhdudlaşdırılması, valyuta alarkən şəxsiyyət vəsiqəsinin təqdim edilməsi kimi addımlar var. Hazırda isə notariusların ev alqı-satqı prosesində gəlir deklarasiyası təqdim edilməsini istəməsi kimi bəzi addımlar var. Halbuki, bizdə gəlir deklarasiyası anlayışı hələ qanuniləşməyib. Vətəndaşa yönəli addımlar olsa da, köklü korrupsiyaya yönəlik addımlar azdır".
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay