İclasların müddəti nə qədər olmalıdır?
Bir çox özəl və dövlət qurumlarında müxtəlif iclaslar keçirilir. Bu iclaslarda hesabat, planlama, tədbirlər və başqa məsələlərə toxunulur. Amma bəzi hallarda işçilər iclasların çoxluğundan və onların vaxtlarının çox çəkməsindən şikayətlənir. İclas müddəti qısa olmalıdır deyə fikir səsləndirirlər. Bəs iclasların müddəti nə qədər olmalıdır? Bununla bağlı hansısa standartlar varmı?
Valyuta.az-a bu barədə məlumat verən "SAT Group” şirkətinin həmtəsisçisi, idarəçi və biznes konsultant Anar Bayramov bildirib ki, bu iclasların müddəti şirkətdən-şirkətə, situasiyadan-situasiyaya dəyişə bilər, yəni konkret vaxt standartları yoxdur: "Buna görə biz konkret vaxt deyə bilmərik. Bu, iclasın gündəliyindən, təbiətindən, məqsədindən və əhəmiyyətliliyindən asılıdır. Ümumi belə demək olar ki, bu vaxt mümkün qədər qısa olmalıdır. Bəzi layihələr üçün keçirilən iclaslar müəyyən qədər uzun çəksə də, bəzilərində bu vaxt qısa ola bilər. Əgər qısa müddətdə bitirmək mümkündürsə, vaxtı uzatmadan qısa iclaslara üstünlük vermək olar. Çox danışmaqdansa, çox iş görmək prinsipini həyata keçirmək lazımdır".
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay