İqtisadi İslahatların Təhlili və Kommunikasiya Mərkəzinin məlumatına görə, 2023-cü ilin yanvar-noyabr aylarında Azərbaycanın ümumi ixracı 31,5 milyard dollar təşkil edib. Bu dövrdə qeyri-neft sektoru üzrə ixrac isə 2022-ci ilin müvafiq dövrü ilə müqayisədə 10,5 faiz artsa da, ümumi ixracatda onun payı cəmi 3 milyard dollar olub. 

Bu statistika onu göstərir ki, hələ də ümumi ixracatda qeyri-neft sektorunun payı çox aşağı olaraq qalmaqdadır.

Valyuta.az-a açıqlamasında iqtisadçı ekspert Natiq Cəfərli bildirir ki, vergi, gömrük güzəştləri, ucuz və uzunmüddətli kreditlər olmadan qeyri-neft sektorunda ciddi irəliləyişlərin şahidi olmayacağıq:

“Qeyri-neft sektoru istehsal sahəsidir. Azərbaycanda isə istehsal sahələri zəif inkişaf edib. Kreditlər çox bahadır, uzun müddətli kreditlər verilmir. Kənd təsərrüfatının məhsuldarlığı azdır. Yəni qeyri-neft sektorunda prioritetlərin elan olunmasına baxmayaraq, onların həyata keçməsi üçün ciddi addımları görmürük. Aqrar sektor məhsullarını xammal məhsulu kimi yox, emal müəssisələrinə yönləndirib satmaq daha sərfəli olar. Emal müəssisələri yoxdur. Kənd təsərrüfatına primitiv yanaşma var”.

Ramiz