Hindistan hökuməti oktyabr ayında başlayacaq gələn mövsümdə şəkər ixracına qadağa qoymağı düşünür. Bu barədə "Reuters" agentliyinə Hindistanın rəsmi qurumlarındakı üç mənbə məlumat verib. 

Qadağanın müzakirəsinə səbəb əsas şəkər qamışı istehsal edən Maharaştra və Karnataka ştatlarında şiddətli quraqlığın olmasıdır. Quraqlıq səbəbindən bu ştatlarda şəkər qamış məhsulu həmişəkindən 50 faiz az olub.

İqtisadçı ekspert Fuad İbrahimov Valyuta.az-a açıqlamasında yaranmış vəziyyətdə dünya bazarında şəkərin qiymətinin bahalaşmaya doğru istiqamət götürəcəyini istisna etməyib:

“Ölkənin şəkər məhsulu ixracında xüsusi çəkisi varsa, qoyulan qadağa ilə bağlı istənilən məlumat dünya birjalarında ciddi reaksiya verə bilər. Müəyyən çəkisi olan məhsul bazarda itəcəksə, aydın məsələdir ki, bazar dərhal bahalaşma istiqamətində ona reaksiya verəcək. Ukrayna da çuğundur istehsalında kifayət qədər çəkisi olan ölkələrdəndir. Belədə bu sahə üzrə ixtisaslaşmış ölkələrin bir-bir bazardan çıxması şəkərin qiymətinin artmasına təsir edə bilər. 

Hindistanın bu addımı fonunda şəkər istehsalçısı olan digər ölkələr istehsalı artırmaq yolunu tutsalar, bazar ona da reaksiya verəcək. Bu halda müəyyən qədər artan qiymətlər azalaraq yenidən öz əvvəlki çərçivəsinə qayıdacaq”. 

Ramiz