20 iyul 2023-cü il tarixində Azərbaycan Mərkəzi Bankında (AMB) növbəti valyuta hərracı keçirilib. Məlumata görə, hərracda tələb 41.5 milyon ABŞ dolları təşkil edib və tam təmin olunub.

Qeyd edək ki, bu göstərici ötən hərracdan 29.3 faiz çoxdur. Belə ki, iyulun 18-da keçirilən valyuta hərracında banklar 32.1 milyon dollar alış həyata keçirib.

Liberal İqtisadçılar Mərkəzinin sədri Akif Nəsirli Valyuta.az-a açıqlamasında bildirib ki, son hərracda dollara tələbatın artması manatın effektiv məzənnəsinin düşməsinin nəticəsidir:

“Azərbaycan idxaldan asılı ölkədir. Nə qədər ki, ölkənin daxili tələbatının 70-80 faizini öz hesabımıza ödəyə bilməyəcəyik, valyutaya ehtiyacımız da artmaqda davam edəcək. Həmin ehtiyacları ödəməsək həm qıtlıq yaranar, həm də manatın məzənnəsi aşağı düşə bilər. Hökumət də belə hərraclar keçirməklə məsələni tənzimləyir. 

Hazırda ölkədə dollara tələbat artır. Bu isə onu deməyə əsas verir ki, manatın effektiv məzənnəsi ucuzlaşmağa meyllidir. Bu fonda isə dollara tələbat da artır. Manatın sabit saxlanılmasında məhz effektiv məzənnədən istifadə edirlər. Manatın effektiv məzənnəsi qalxanda dollara tələbat azalır, düşəndə isə hərraca çıxarılan valyuta həcmləri artır. Digər tərəfdən, idxal mallarına xərclənən valyutanın artması da hərraclarda dollara tələbatı artırıb”.

Ramiz