ABŞ Xəzinə Nazirliyi noyabr ayına dair büdcə balansı hesabatını yayımlayıb.

Valyuta.Az-ın verdiyi xəbərə əsasən, 1 oktyabr 2024-cü ildə başlayan və 30 sentyabr 2025-ci ildə başa çatacaq 2025-ci maliyyə ilinin noyabr ayında federal hökumətin büdcə kəsiri 367 milyard dollar təşkil edib.

Federal hökumət keçən ilin eyni ayında 314 milyard dollarlıq büdcə kəsiri vermişdi. Beləliklə, büdcə kəsiri noyabrda ötən ilin eyni dövrü ilə müqayisədə 17 % artıb.

Bu dövrdə bazar gözləntiləri büdcənin noyabrda 349 milyard dollarlıq kəsir verəcəyi istiqamətində idi.

Hökumətin gəlirləri noyabrda keçən ilin eyni dövrü ilə müqayisədə 10 % artaraq 302 milyard dollara yüksəlib, xərcləri isə 14 % artaraq 669 milyard dollara çatıb.

Bu dövrdə büdcə kəsiri ilə yanaşı federal hökumətin gəlir və xərclərində də noyabr ayı üçün rekord qeydə alınıb.

İki aylıq büdcə kəsirində 64 % artım

ABŞ-da 2025-ci maliyyə ilinin ikinci ayı olan noyabrın yekununda ümumi büdcə kəsiri keçən ilin eyni dövrü ilə müqayisədə 64 % artaraq 624 milyard dollar təşkil edib.

Həmin dövr üçün büdcə kəsiri keçən ilin eyni ayında 381 milyard dollar səviyyəsində idi.

Maliyyə ilinin ilk iki ayında xərclər keçən ilin eyni dövrü ilə müqayisədə 18 % artaraq 1 trilyon 253 milyard dollara yüksəlib, gəlirlər isə 7 % azalaraq 629 milyard dollara enib.

ABŞ-ın büdcə kəsiri 2024-cü maliyyə ilində əvvəlki ilə nisbətən 8 % artaraq 1,8 trilyon dollara çatmışdı.

Federal hökumətin 2024-cü maliyyə ilindəki büdcə kəsiri ölkə tarixində ən böyük üçüncü büdcə kəsiri kimi qeydə alınmışdı.

Rəhim