ABŞ-ın büdcə kəsirindəki rekord artımın arxasında iki amil dayanır: sosial xərclər və dövlət borcuna xidmət üçün xərclər.

Valyuta.az xəvər verir ki, bu barədə Amerika İki Partiyalı Siyasət Mərkəzinin iqtisadi siyasət proqramının icraçı direktoru Şai Akabas bildirib. 

Son doqquz il ərzində ABŞ-da yaşlı amerikalıların sayı nəzərəçarpacaq dərəcədə artıb və buna uyğun olaraq sosial xərclər də artıb. Beləliklə, 2015-ci ildəki 59 milyona qarşı 2024-cü ildə 67 milyon insan müavinət alır.

Bundan əlavə, bu il ABŞ-ın səhiyyəyə xərclərinin ÜDM-in 5,8%-nə çatacağı gözlənilir. Müqayisə üçün bildirək ki, 1974-cü ildən 2023-cü ilə qədər olan dövrdə orta göstərici 3,4% təşkil edib.

"Eyni zamanda, xalqın əlində olan 27,8 trilyon dollarlıq dövlət borcu üzrə ödənişlər yüksək faiz dərəcələri səbəbindən kəskin şəkildə artıb", deyə Akabas əlavə edib. 

FED 2022-ci ilin mart ayında inflyasiya ilə mübarizə aparmaq üçün dərəcələri artırmağa başladığından bəri hökumətin Xəzinədarlıqlara ödədiyi orta faiz dərəcəsi iki dəfədən çox artaraq 3,3%-ə çatıb.

Paşa Məmmədli