Almaniya Qərbdə hərəkətsiz qalan Rusiya aktivlərindən əldə edilən gəlirləri Ukraynaya müharibədə kömək etmək üçün istifadə etməyə hazırdır.

Valyuta.az xəbər verir ki, bu barədə çərşənbə günü, mayın 22-də Reuters agentliyi Almaniya Maliyyə Nazirliyindəki mənbələrə istinadən yazıb. 

“Əgər bizə dondurulmuş aktivlərdən gələn bu maliyyə axınlarından gələcəkdə daha yaxşı istifadə etməyə imkan verəcək hüquqi cəhətdən etibarlı mexanizm varsa, o zaman biz, şübhəsiz ki, buna hazırıq”, – agentlik bir alman mənbəsindən sitat gətirib.

G7-nin müzakirəçiləri həftələrdir ki, Rusiyanın 2022-ci ilin fevralında Ukraynanı işğal etməsindən qısa müddət sonra dondurulmuş Rusiyanın təxminən 300 milyard dollarlıq maliyyə aktivlərindən ən yaxşı şəkildə necə istifadə ediləcəyini müzakirə edirlər.

Mənbələrin məlumatına görə, Ukraynanın maliyyə naziri Sergey Marçenko bu məsələ ilə bağlı gələn həftə İtaliyada keçiriləcək iclasda iştirak edəcək.

Eyni zamanda, Almaniya hökuməti ABŞ-ın dondurulmuş Rusiya aktivlərindən təkcə onlardan əldə edilən gəliri deyil, həm də Ukrayna üçün istifadə etmək planlarına ehtiyatla yanaşır.

“Mövqemiz dəyişməz olaraq qalır: söhbət dondurulmuş aktivlərdən yığılan gəlirdən gedir. Bu, aktivlərin özlərinə aid deyil”, - Almaniya hökumətinin sözçüsü Steffen Gebestreit çərşənbə günü Berlində deyib.

Xəzinədarlığın sözçüsü də Reuters-ə bildirib ki, yalnız mənfəətdən istifadə olunacaq:

“Rusiya Mərkəzi Bankının aktivlərinin mövcudluğu dəyişməz olaraq qalır. Bu o deməkdir ki, beynəlxalq hüququn dövlət toxunulmazlığı kimi fundamental prinsipləri qorunub saxlanılır”.

Nicat