Seul səhmləri bazar ertəsi səhər saatlarında, müxalifətin rəhbərlik etdiyi Milli Assambleyanın Prezident Yun Sok Yol (Yoon Suk-yeol) əleyhinə yeni bir impiçment qərarını irəli sürməyə çalışdığı bir vaxtda, siyasi qarışıqlığın dərinləşməsi fonunda 1,8 faiz gerilədi.

Valyuta.az xəbər verir ki, bu barədə "Yonhap" agentliyi məlumat yayıb. 

Əsas göstərici olan "Koreya Birgə Səhmlər İndeksi" ("KOSPI") saat 11:20-də 43,33 bənd, yəni 1,78 faiz azalaraq 2.384,83 səviyyəsinə düşüb.

Prezident Yun keçən çərşənbə axşamı elan etdiyi hərbi vəziyyət qərarının Milli Assambleya tərəfindən dərhal ləğv edilməsindən sonra impiçmentlə üzləşmək və ya istefa vermək üçün böyük təzyiq altındadır.

Şənbə günü müxalifətin irəli sürdüyü impiçment qərarı, hakim partiyanın boykot edərək kvorumu təmin etməməsi səbəbindən rədd edilib və prezident bu səsvermədən sağ çıxıb. Lakin müxalifət bu həftə Yun əleyhinə yeni impiçment təşəbbüsü irəli sürməyi planlaşdırır.

Əsas səhmlər ümumilikdə geriləyib, xüsusilə enerji sektoru kəskin enişlərlə üzləşib. Əsas neftayırma müəssisəsi "SK Innovation" 4,38 faiz dəyər itirib, dünyanın ən böyük sink istehsalçısı "Korea Zinc" isə 15,83 faiz geriləyib.

Maliyyə sektoru da dəyər itirib: "KB Financial" 3,05 faiz, "Shinhan Financial" isə 1,17 faiz azalıb.

Avtomobil və biotexnologiya sektoru səhmlərində də geriləmə müşahidə olunub. "Hyundai Motor" 0,74 faiz, "Celltrion" isə 1,17 faiz dəyər itirib.

Bunun əksinə olaraq, çip istehsalçısı "SK hynix" 1,2 faiz artım nümayiş etdirib,, bazarın əsas oyunçusu "Samsung" isə əvvəlki sessiyanın bağlanış səviyyəsini qoruyub.

Lokal valyuta isə saat 11:20-də dollar qarşısında 1.436,25 vona (1,07 dollar) qədər zəifləyib ki, bu da əvvəlki sessiyadan 17,05 von (0,013 dollar) azalma deməkdir. 

Rəhim