“Azərbaycan Beynəlxalq Bankı”-da (ABB) 2023-cü ilin III rübündə nağd pul vəsaitləri və ekvivalentləri, o cümlədən bloklaşdırılmış nağd vəsaitlərin məbləği ilin əvvəli ilə müqayisədə 1 milyard 474 milyon 357 min manat, yaxud da 37,4% azalaraq 2 milyard 459 milyon 559 min manat təşkil edib.

Valyuta.az bankın maliyyə hesabatına istinadən xəbər verir ki, hesabat dövründə  ABB-nin ticarət və investisiya qiymətli kağızların məbləği ilin əvvəli ilə müqayisədə 723 milyon 605 min manat, yaxud da 23,8% azalaraq 2 milyard 316 milyon 611 min manat təşkil edib.

Xatırladaq ki, bu il oktyabrın 1-nə ABB-nin cəmi aktivləri ilin əvvəlinə nisbətən 18,5% və 2,6 milyard manat azalaraq 11 milyard 434,7 milyon manata bərabər olub. Öhdəliklərinin həcmi isə 21,6% azalaraq 9 milyard 724,1 milyon manat təşkil edib. Bankın cəmi kapitalı isə ilin əvvəlinə nisbətən 4,8% artaraq 1 milyard 710,7 milyon manat təşkil edib.

Nara