Azərbaycanda 2 907 ədəd bankomat var və onların əksəriyyəti Bakı şəhərində quraşdırılıb. Bakıda bank filial və şöbələrinin sayının çoxluğu, pul dövriyyəsinin böyük hissəsinin paytaxtda həyata keçirilməsi bankomatlardan istifadə intensivliyini artırır.  
 
Valyuta.Az bildirir ki, ötən il ərzində bankomatların sayı 192 ədəd artıb. Artımın böyük hissəsi Bakı şəhərindəki artımın sayəsində təmin edilib.

Ötən il paytaxtda bankomatların sayı 130 ədəd artaraq 1 560-a çatıb. Regionda da bankomatların sayı artıb və 1 347 olub. İl ərzində regionlarda bankomatların sayındakı artım 61 ədəd təşkil edib.

Məlumatlar göstərir ki, paytaxtda bankomatların sayında artım sürəti regionlara nisbətən daha yüksəkdir.

Əhali bankomatlardan plastik kartlarda olan pulların nağdlaşdırılması üçün istifadə edir. Əmək haqqı, pensiya, müavinət və təqaüdlərin böyük hissəsi sonradan bankomatlar vasitəsilə nağdlaşdırılır. Ölkəmizdə nağd ödənişlərin hələ də yüksək olması bankomatlara tələbi artırır. Buna görə də bankomatların sayında artım prosesi davam edir.