“Ola bilsin ki, hava biz istədiyimiz kimi keçmir, isti keçir, kəskin soyuyur, şiddətli yağışlar yağır. Havalar mövsümünə uyğun keçmədi demək doğru deyil. 20 ildən çoxdur ki, biz qlobal istiləşmənin olduğunu müşahidə edirik”. 

Bunu Valyuta.az-a kənd təsərrüfatı üzrə ekspert Vahid Məhərrəmov havaların mövsümə uyğun keçməməsinin kənd təsərrüfatına təsirləri haqqında danışarkən deyib.

Vahid Məhərrəmov deyib ki, İstənilən ölkədə kənd təsərrüfatı belə halla qarşılaşır:

“Heç bir ölkədə kənd təsərrüfatı məhsulları üçün münbit şərait yoxdur. Bu sahə ilə məşğul olanlar havanın dəyişkənliyini nəzərə almalıdır. 

Miçurin deyirdi ki, biz təbiətdən mərhəmət gözləməməliyik. İstənilən hava şəraitinə hazır olmalıyıq. Suvarma vaxtında aparılsa, əkin vaxtında  əkilsə, aqrotexniki göstəricilərə əməl edisə biz daha çox məhsul əldə edə bilərik.” 

Ekspert düşünür ki, Qlobal istiləşmə kənd təsərrüfatı üçün münbit şərait yaradır:

“Havanın isti olması bitkinin inkişafı üçün çox mühimdir. Lakin kənd təsrrüfatının inkişafı təkcə havadan asılı deyil. 

“Hava bizim üçün soyuq ola bilər. Amma bitki üçün bu belə deyil, bitkilər müxtəlif amillərə dözümlüdürlər. Bizdə kəskin şaxta olmur, yayda isə kəskin isti olmur. 

Doğrudur, azərbaycanda daha çox isti sevən bitkilərin yetişdirlməsi ilə məşğul olurlar. Bizdə iqlim şəraiti normaldır, sadəcə istehsalımız iqlim şəraitinə uyğunlaşdırılmalıdır. BMT-nin araşdırmasına görə də ölkələrdə fermerlər özləri qlobal iqlim dəyişikliynə uyğun təsərrüfatla məşğul olmalı, şəraitə uyğun bitkilər əkməlidir”. 

Davud