Gürcüstanın Azərbaycandakı yeni səfirliyinin ərazisi 3500 kvadratmetr olacaq.

Bu barədə Gürcüstanın Azərbaycandakı səfiri Zurab Pataradze məlumat verib.

Onun sözlərinə görə, Azərbaycan paytaxtının mərkəzi ərazisində Gürcüstanın yeni səfirliyi yerləşəcək:

"Gürcüstanın səfirliyinin inşası üçün Azərbaycan tərəfindən verilən torpaq sahəsinin yerləşdiyi yer Bakı şəhərinin mərkəzində 3500 kvadratmetr sahəni əhatə edəcək. Səfirlikdə əsas binadan əlavə, səfirin rezidensiyası və konsulluq qəbulu kimi müxtəlif layihələr həyata keçiriləcək".

Diplomat bu faktın qonşu və dost ölkələr arasında əlaqələrin inkişafı və güclənməsi üçün çox əhəmiyyətli olduğunu qeyd edib.

Qeyd edək ki, səfirliyin yeni binasının Yasamal rayonu, Nəriman Nərimanov prospekti, 173 nömrəli məktəbin arxasındakı boş ərazidə inşa olunması nəzərdə tutulur.