İspaniya klubu “Xetafe”də forma geyinən Meyson Qrinvudun imic hüquqları zədələndiyi üçün, onun müqavilə bağladığı şirkət iflas etdi.

Valyuta.az xəbər verir ki, 2019-cu ildə atası ilə birlikdə qurduğu və daha sonra ​​yeganə direktoru olduğu “Greenwood” firması, 600 000 funt-sterlinq itkidən sonra hesablarını könüllü şəkildə ləğv edib. Hansı ki, şirkətin dəyəri əvvəllər milyon funt-sterlinqdən (1,3 milyon dollar) bir qədər çox həddə çatmışdı.

Futbol maliyyəsi üzrə ekspert Kyeran Maquayr “The Times”a açıqlamasında bunun səbəbinin böyük ehtimalla ya şirkətin sonradan xeyli itkiyə məruz qalması, ya da yeganə işçisi/direktoru olan Qrinvuda maaş, yaxud divident ödəmək üçün hesabdan pulun götürülməsi olduğunu deyib. Maliyyə eksperti, “Şirkət ya 2023-cü ildə çox pul itirdi, ya da pul balansı 600.000 funt-sterlinq azaldığı üçün işçinin maaşından və ya dividendlərindən böyük məbləğ silindi. Sentyabrda şirkətin maliyyəsində ilin sonundan bəri oxşar azalma baş verib. Çox az qaldı və onun niyə könüllü ləğv olunduğunu izah etməlidirlər” - sözlərini söyləyib. 

Qrinvud 2022-ci ilin yanvarında həbs edildikdən sonra “Mançester Yunayted”lə müqaviləsi donduruldu. Futbolçu daha sonra şəxsə hücum, zorlama cəhdi və təcavüz davranışında ittiham olunub. Əsas şahidlərin geri çəkilməsi onu məhkumluqdan xilas etdikdən sonra Qrinvudun haqqındakı ittihamlar da aradan qaldırılıb. Həmçinin həbsi və ittihamlar nəticəsində Qrinvudun “Nike”la müqaviləsi də ləğv edilib və onun imic hüquqları ilə bağlı gəlirləri sona çatdı. Bu da yeni sponsorlarla müqavilə imzalama ehtimalını azaldıb.

Qrinvudun gələcəkdə karyerasını hansı səviyyədə keçirəcəyini yay transfer pəncərəsi müəyyən edəcək. Sırf futbol nöqteyi-nəzərindən Qrinvud hazırda icarədə olduğu “Xetafe”də yaxşı mövsüm keçirir. “Barselona” və “Atletiko” onu transfer etməyə çalışsa da, "Mançester Yunayted"in əsas səhmdarı Sir Cim Ratkliff qapını onun üzünə tam bağlamayıb və “Xetafe”yə icarəyə verib.

Elmir