“Karvan KR” MMC-nin rəhbərinin ölkədən çıxışı məhdudlaşdırılıb. 

Valyuta.az xəbər verir ki, Bakı Kommersiya Məhkəməsinin hakimi Leyla Əliyeva bununla bağlı qətnamə çıxarıb. 

İş materiallarından məlum olur ki, “Karvan KR” MMC-nin 421 501,49 manat vergi borcu olub. Şirkət borcu ödəmədiyinə görə İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi xüsusi icraat qaydasında məhkəməyə ərizə ilə müraciət edib. 
Hakim də ərizəni təmin edib. 

“Karvan KR” MMC 12 dekabr 2022-ci ildə qeydiyyata alınıb. Nizamnamə kapitalı 10 AZN olan şirkətin qanuni təmsilçisi Mikayılov Elşən Əfsəl oğludur. 

Şirkətin bu günə olan vergi borcu 488 137,35 manatdır. 

Hüseyn