Azərbaycanlıların hazırda görmək, turist kimi getmək istədiyi, maraq göstərdiyi üç ölkə var. Gürcüstan, Birləşmiş Ərəb Əmirliklərində Dubay, Misirdir. 

Bunu Valyuta.az-a turizm məsələləri üzrə ekspert Əziz Şiriyev hazırda azərbaycanlıların maraq göstərdiyi ölkələr haqqında danışarkən deyib.
O, bildirib ki, dünyanın bir çox turizm mərkəzləri artıq aşağı büdcəli səyahətlərlə də əlçatan olub. 

“Hazırda daha ucuz qiymətə Avropaya turlar olur. "AZAL" ilə, Macarıstanın aşağı büdcəli hava şirkəti “Wizz Air”  ilə 100 evroya Romaya uçuşlar olur. Bundan əlavə çox ucuz qiymətə, Misirə, Dubaya uçuşlar olur. Dubaya hazırda 599 dolara da uçuşlar var. Bir müddət öncə  Misirə hətta 7 gecə 8 gün hər şey daxil (qidalanmağı, təyyarə bileti, transferi) 200, 250 dollara uçuşlar var idi. 
Qətərin paytaxtı Dohaya da 220, 230, 250, 300 dollara uçuşlar var idi”. 

Ekpsert bildirib ki, insanların xarici ölkələrə getməkdə fobiyası var:

“Ona görə onlar tur şirkətləri vasitəsi ilə, qrup şəklində getməyə üstünlük verir. Məsələn, kompleks edirlər ki, dil bilmirəm, tək gedə bilmərəm. Azərbaycan dilli bələdçi tələb edirlər. Düşünürlər ki, çox adamla getsək oğurluq olmaz, getdiyimiz yerləri tanımırıq və s. Bu streotiplər indi belə turlarla aradan qaldırılır. Bu gün Azərbaycandan Taylana, Baliyə, Misirə. Avropaya, Şirlankaya, Şimali Kiprə, Gürcüstana  aşağı büdcəli turlar var.  Bu turlara hazırda ölkədə maraq da çoxdur”. 

Davud