Bu ilin yanvar-iyul aylarında Azərbaycana dünyanın 183 ölkəsindən 1 milyon 143,6 min və ya 2022-ci ilin müvafiq dövrü ilə müqayisədə 37,4  faiz çox turist gəlib. 

İqtisadçı ekspert Fuad İbrahimov Valyuta.az-a açıqlamasında bildirib ki, turizm sahəsində bu yüksək artıma ilk növbədə torpaqlarımızın işğaldan azad olunması ilə Azərbaycanın ən güvənli ölkələrdən birinə çevrilməsi amili təsir göstərib:

“Azərbaycan indi dünyanın ən güvənli ölkələri sırasındadır. Hər hansı bir siyasi, iqtisadi problemimiz yoxdur. Digər tərəfdən, keçən illərə nisbətən ölkədə viza almaq qaydalarının asanlaşması da burada öz sözünü deyib. Viza almağın elektron müstəviyə keçirilməsi Azərbaycanın cazibədarlığını artırıb. Bədnam qonşularımızla sülh müqaviləsi imzalandıqdan sonra isə ölkəmizə gələn turistlərin sayı indikilə müqayisədə 5-6 dəfə artacaq”. 

Ramiz