"Tesla" şirkətinin rəhbəri Elon Musk (İlon Mask) insansı robotların gələcəyinə dair diqqətçəkən proqnozlar və planlarını açıqlayıb. Musk, "Optimus" adını verdiyi insansı robotların "tarixdəki ən böyük məhsul" olacağını və dünya əhalisinin beşdə birinin robotlardan ibarət olacağını bildirib.

Valyuta.az-ın xəbərinə görə, "Tesla" 2026-cı ildə 50.000-dən 100.000-ə qədər "Optimus" robotu istehsal etməyi planlaşdırır. Şirkət bu rəqəmi bir il sonra 10 dəfə artıraraq, 2027-ci ildə 500.000-dən 1 milyonadək istehsal etməyi hədəfləyir. Muskın bu məqsədləri, "Tesla"nın avtomobil istehsalından insansı robotlara doğru strateji bir dönüş yaşadığını göstərir.

"Optimus" "Tesla"nın inkişaf etmiş süni intellekt çipləri ilə təchiz edilmiş, sinir şəbəkəsi əsaslı bir beyin istifadə edir. Hazırda "Tesla"nın tam avtonom idarəetmə (Full Self-Driving) sistemindən güc alan "AI4" çipindən istifadə edən robot, ticari versiyada daha inkişaf etmiş "AI5" çipi ilə təchiz ediləcək. İlk ticari istehsalın 2025-ci ilin sonuna qədər həyata keçirilməsi gözlənilir.

"Bank of America" analitiklərinin proqnozlarına görə, "Tesla" zavodlarında həmin tarixədək 1.000 "Optimus" robotunun işləməsi mümkündür. Əgər Elon Musk-ın vizyonu gerçəkləşərsə, yaxın bir neçə il ərzində əsl robot inqilabına şahidlik edə bilərik.

Əvəz Həsənov