2024-cü ilin mart ayının əvvəlində "Apple" 13 və 15 düymlük "MacBook Air"i təqdim edib və şirkət onu ən son M3 çiplərinə təkmilləşdirib. Bununla belə, "MacRumors" yazır ki, Amerika İT nəhənginin hələ də çeşidində 2024-cü ildə təkmilləşdiriləcək bir neçə kompüter modeli var.

Valyuta.az xəbər verir ki, çox güman "Apple" bu il "Mac" mini kompüterlərini M3-ə keçirəcək. Bunu həm erkən şayiələr, həm də adi 18 aylıq "Mac mini" yeniləmə dövrü göstərir. Cihazın elanı 2024-cü ilin sonunda gözlənilsə də, "MacRumors" istisna etmir ki, "Apple" bu hadisəni 2025-ci ilin martına qədər çəkə bilər.

2023-cü ilin iyun ayında "Apple" "‌Mac Studio‌" seriyasını yeniləyib və ‌M2‌ çipli modeli təqdim edib. Tayvanın "TrendForce" analitik firmasının yanvar hesabatına görə, çoxlarının gözlədiyindən daha güclü çipə malik yeni "Mac Studio" modeli "M3 Ultra" 2024-cü ilin ortalarında satışa çıxarılacaq.

"M3 Ultra" çipinin "iPhone 16" seriyasında debüt edəcəyi gözlənilən A18 çipinə bənzər TSMC-nin N3E qovşağında istehsal ediləcəyi barədə şayiələr var. N3E TSMC-nin 3nm prosesinin təkmilləşdirilmiş versiyasıdır və bir qədər yaxşı performans və daha yüksək enerji səmərəliliyi təklif edir.

Bəzi insayderlərə görə, "Apple" 2024-cü ilin ikinci yarısında yeni "Mac Pro" təqdim edəcək. Cihaz "Mac Studio" kimi, "M3 Ultra" çipi almalıdır. 

Paşa Məmmədli