Amerikalı milyarder İlon Mask X sosial şəbəkəsini (Twitter) tamamilə ödənişli etmək istəyir.

Valyuta.az xəbər verir ki, vu barədə “Variety” onun İsrailin baş naziri Binyamin Netanyahu ilə söhbətinə istinadən yazır.

Mask hesab edir ki, X-dən istifadə üçün aylıq ödənişlərə keçid botlarla bağlı problemi həll etməyin yeganə yoludur. Lakin iş adamı yeniliyin konkret məbləği və vaxtını açıqlamayıb.

Onun sözlərinə görə, Platform X sosial şəbəkədə hər gün 100-200 milyon yazı yaradan 550 milyon aylıq aktiv istifadəçiyə malikdir.
Eyni zamanda, iyulun ortalarına olan məlumata görə, sosial şəbəkənin reklam gəlirləri təxminən 50% azalıb və böyük borc yükü yaranıb. 

Qeyd olunur ki, X abunə proqramı (əvvəllər Twitter Blue) Maskın rebrendinqi sayəsində indi X Blue adlanır. Ayda 8 dollardan başlayır və sizə bu imkanları verir:

Bir saat ərzində nəşri redaktə etmək;
reklamın həcmini yarıya endirmək;
axtarışda nəşrlərə üstünlük vermək;
25.000 simvola qədər dərc etmək imkanı (280 simvol limiti ilə müqayisədə);
3 saata qədər və ya 8 giqabayta qədər ölçüdə video yükləmək imkanı. 

Mavi abunəçilər həmçinin, ilkin olaraq yazılarına cavablarda göstərilən reklamlara əsaslanaraq, reklam gəlirlərinin bir hissəsini almaq hüququna malikdirlər.

Nicat