Cəlilabad Rayon İcra Hakimiyyəti Cəlilabad şəhərində abadlıq işlərinin satın alınması ilə bağlı kotirovka sorğusuna yekun vurub. 

Valyuta.az xəbər verir ki, sorğunun qalibi “ASA-Tikinti” MMC seçilib. Abadlıq işləri quruma 39 855,68 AZN-ə başa gələcək. 

Müqavilənin şərtlərindən məlum olur ki, abadlıq işləri yalnız Cavadxan küçəsində görüləcək. 

İqtisadiyyat Nazirliyi yanında Dövlət Vergi Xidmətinin reyestr məlumatlarına görə “ASA-Tikinti” MMC 15 mart 2023-cü ildə qeydiyyata alınıb. Nizamnamə kapitalı 60 AZN olan şirkətin hüquqi ünvanı Masallı rayonunun Təkdam kəndində yerləşir. MMC-nin qanuni təmsilçisi İbrahimov Eldəniz Məhərrəm oğludur.

Açıq mənbələrdə şirkət və qanuni təmsilçisi haqqında heç bir məlumat yoxdur. 

“ASA-Tikinti” MMC 7 aydır fəaliyyət göstərsə də, satınalma müsabiqələrində faıl iştirak edir. Şirkət bundan əvvəl Astara Rayon İcra Hakimiyyətinin Astara şəhərində yaşayış binalarının əsaslı təmiri ilə bağlı kotirovka sorğusunun qalibi seçilib. 

Hüseyn