Elektrik sayğacları hansı ölkələrdən və neçəyə alınır? - 6 min 205 manata...
Ötən ilin yanvar-oktyabr aylarında Azərbaycana xarici ölkələrdən 232 min 252 ədəd elektrik enejisi sayğacları gətirilib.
Valyuta.az rəsmi məlumatlara istinadən xəbər verir ki, bu miqdarda sayğacların alışına 6 milyon 737 min 120 ABŞ dolları (11 milyon 453 min 104 manat) vəsait xərclənib. Alınan bir ədəd sayğacın orta qiyməti 29 dollar (49 manat 30 qəpik) təşkil edib.
Alınan ən bahalı sayğac Kanadadan (6 min 205 manat), ən ucuzu isə Türkiyədən (bir ədəd üçün orta qiymət 26 manat 20 qəpik) olub.
Azərbaycana elektrik enetjisi sayğacları gətirilən ölkələr və alınan sayğacların qiyməti ilə aşağıdakı cədvəldən tanış ola bilərsiniz:
| Ölkələr | Miqdar (ədəd) | Məbləğ (min ABŞ dolları) | Bir ədəd üçün orta qiymət (manatla) |
| Rusiya | 103 | 9,34 | 154,1 |
| Amerika Birləşmiş Ştatları | 2 | 5,5 | 4 675 |
| Böyük Britaniya və Şimali İrlandiyanın Birləşmiş Krallığı | 2 | 1,81 | 1 538,5 |
| Çin | 101 043 | 4 682,25 | 78,7 |
| Çinin xüsusi inzibati rayonu Honkonq | 20 | 0,65 | 55,25 |
| Gürcüstan | 1 | 0,03 | 51 |
| Hindistan | 50 | 2,27 | 77,18 |
| İndoneziya | 2 | 1,13 | 960,5 |
| Kanada | 1 | 3,65 | 6 205 |
| Sinqapur | 1 | 0,35 | 595 |
| Türkiyə | 130 948 | 2 019,11 | 26,2 |
| Almaniya | 1 | 0,18 | 306 |
| İtaliya | 77 | 10,67 | 235,5 |
| Slovakiya | 1 | 0,17 | 289 |
| Valyuta.az |
Bəhs olunan dövrdə Azərbaycandan xarici ölkələrə 5 min 100 dollara 34 ədəd elektrik enejisi sayğacları satılıb. İxrac olunan bir ədəd elektrik enejisi sayğacının qiyməti 150 dollar (255 manat) təşkil edib.
Rusiyaya 60 dollara 3 ədəd (bir ədəd üçün orta qiymət 34 manat), Gürcüstana isə 5 min 40 dollara 31 ədəd (bir ədəd üçün orta qiymət 276,3 manat) elektrik enejisi sayğacı satılıb.
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Oxşar xəbərlər
Son xəbərlər
Ən çox oxunanlar
- Bu gün
- Bu həftə
- Bu ay
