Azərbaycan startapı Dosty Polşada keçirilən beynəlxalq Wolves Summit-də mükafat qazanıb. Wolves Summit-də səhnə alıb təqdimat (pitch) edən startap “Startup Terrace Award” mükafatını qazanıb. Valyuta.az xəbər verir ki, Startapın həmtəsisçisi və CEO-su Ayaz Əhmədov bununla bağlı Tech.az Mediaya açıqlama verib:

“Biz “Startup Terrace Award” mükafatını qazandıq. Buna görə də "Taiwan Startup Terrace" bizi noyabr ayında bir aylıq Tayvana dəvət edib. Onlar bizi öz xüsusi mükaftlarında qalib olduğumuz üçün çağırıblar. Buna görə də noyabr ayında bir aylıq Tayvan gedəcəyik. Aydın məsələdir ki, yerli investorlar, banklar və maraqlı tərəflər ilə də görüşlərimiz olacaq. Onlar bizə Tayvan vasitəsi ilə Asiyada genişlənməyi (daxil olmağı) təklif ediblər. Biz də bunu qəbul etdik.”

Dosty startapı ev heyvanı saxlayan şəxslərin ekspert fikirləri, ani simptomların qiymətləndirilməsi, gündəlik iş rejimini idarə etmək və ev heyvanınızın sağlamlığı və davranışı ilə bağlı məsləhətlər verməklə ev heyvanları tərbiyəsi təcrübəni asanlaşdırır. İstifadəçi mobil tətbiqdən istənilən sualı soruşmaqla ev heyvanın yaşadığı çətinliyi aydınlaşdıra bilər.

Qeyd edək ki, 3 Azərbaycan startapı Dosty, Glorri və Hepard İnnovasiya və Rəqəmsal İnkişaf Agentliyinin dəstəyi ilə Polşada keçirilən “Wolves Summit”-də iştirak edir.