“Bu hal özəl sektorda daha çox baş verir və bu vergidən yayınma halları ilə müşahidə olunur”.

Bunu Valyuta.az-a açıqlamasında iqtisadçı ekspert Eyyub Kərimli bir sıra müəssisələrdə işə götürən zaman onların əksəriyyəti ilə əmək müqavilələrinin bağlanılmaması ilə bağlı şikayətlərdən danışarkən deyib. 

Ekspert vurğulayıb ki, burada məqsəd əməkdaşların vergidən gizlədilməsidir:

“İşə düzələnlər öz hüquqlarını bilməli, işə götürən şəxsdən əmək müqaviləsini imzalamağı tələb etməlidirlər. Onlar əmək şərtləri ilə tanış olmalıdırlar. Digər tərəfdən işə götürənlər də qanunvericiliyin tələblərini pozmamalıdırlar. Bununla bağlı İnzibati Xətalar Məcəlləsinə əsasən 2 min manatdan 4 min manata kimi cərimə nəzərdə tutulub və göründüyü kimi cinayət məsuliyyəti yaradır”. 

İqtisadçının sözlərinə görə, əmək münasibətləri hüquqi cəhətdən tənzimlənməlidir və bu hər iki tərəfin marağında olmalıdır:

“Müqavilənin olmaması onları həm də gələcəkdə pensiya hüquqlarından məhrum edə bilər”.

Aylin