“AzerGold” QSC Çovdar Filiz Emalı, Filizçay və Tülallar sahələrində nəzərdə tutulmuş cari təmir və abadlıq işlərinə 430 min manata yaxın vəsait yönəldəcək.

Valyuta.az www.tender.gov.az saytının yaydığı məlumata əsasən bildirir ki, bu məqsədlə “AzerGold” «SM Construction Supplies» MMC-ni cəlb edib.

Şirkətlə imzalanmış müqaviənin dəyəri 427 min 698,66 manatdır. Göyçay rayonunda Tülallar yatağının resurs potensialı 500 min unsiya qızıl həcmində qiymətləndirilir.

Filizçay” yatağı ehtiyatlarının həcminə görə Avropada ikinci ən böyük yataq hesab edilir və dünya polimetal yataqlarının ilk onluğuna daxildir. “AzerGold” QSC 2025-ci ildə "Filizçay" polimetal yatağınınfəalşəkildə işlənilməsinəbaşlamağı planlaşdırır.Yatağın 1-ci fazası üçün ilkin hesablanmış sink, qızıl, gümüş, mis və qurğuşundan ibarət filiz ehtiyatları 60 milyon tona yaxın proqnozlaşdırılır.

“AzerGold” QSC prezident İlham Əliyevin 11 fevral 2015-ci il tarixli fərmanı ilə yaradılıb. Cəmiyyət Qaradağ, Çovdar, Göydağ, Dağkəsəmən filiz sahələrinin, Köhnəmədən sahəsinin və Kürəkçay hövzəsi yataqlarının öyrənilməsi, tədqiqi, kəşfiyyatı, işlənməsi və idarə olunması ilə məşğul olur.