Azərbaycan Respublikası Səhiyyə Nazirliyinin tabeliyində “Tibb Müəssisələrinin Akkreditasiyası və Keyfiyyətə Nəzarət Mərkəzi” publik hüquqi şəxs yaradılır. 

Mərkəz “Əhalinin sağlamlığının qorunması haqqında” Azərbaycan Respublikasının Qanununa uyğun olaraq tibb müəssisələrinin akkreditasiyası, tibbi xidmətlərin keyfiyyətinin və əlçatanlığının yüksəldilməsi üzrə tədbirlər görülməsi, habelə tibb müəssisələrində daxili keyfiyyət təminatı sistemlərinin qurulması və inkişafı ilə bağlı dəstək xidmətləri göstərilməsi sahələrində fəaliyyət göstərəcək.

Bu mərkəzin yaradılması tibb müəssisələrinin fəaliyətinə necə təsir göstərəcək?

Valyuta.az mövzunu professor Adil Qeybulla ilə müzakirə edib.

Adil Qeybullanın sözlərinə görə, adı çəkilən mərkəzin yaradılması günün tələbinə uyğundur. 

“Bu gün özəl klinikaların sayı xeyli artmaqdadır. Xəstəxanaların fəaliyyətinə nəzarət, bütün tibbi prosedurlar və həkimlərin fəaliyyətinin qaydalara uyğun olması, genefondun sağlamlığı, xəstəxanaların akreditasiya məsələsi ciddi məsələdir. Bu baxımdan da həmin işlərlə məşğul olan ayrıca qurumun yaradılması və nəzarət sisteminin həyata keçirilməsi günün tələbidir. Düşünürəm ki, bu da müsbət nəticə verəcək. Ən azından xəstəxanaların məsuliyyətini artıracaq, qayda-qanuna uyğun işləməsini təmin edəcək, özbaşınalığa yol verilməyəcək və s. Bundan isə ancaq vətəndaş fayda görəcək. 

Davud