Bu gün dünyada olduğu kimi, Azərbaycanda da gənclər arasında döyməyə (tatu) maraq xüsusi olaraq artıb. Demək olar ki, hər 3 gəncdən biri döymə daşıyıcısıdır. Bir zamanlar tatudan əsasən həbsxana üzü görmüş insanlar istifadə edirdi. İndi isə tatu şou əhli arasında da geniş yayılıb. Şou əhlini özləri üçün nümunə götürən gənclər də son illər tatudan gen-bol istifadə etməyə başlayıb. 

Bir sıra həkimlər döymənin insan bədənində müxtəlif xəstəliklərə rəvac verdiyini bildirir. 

Tibb elmləri doktoru Adil Qeybulla Valyuta.az-a açıqlamasında bildirib ki, sterlink qaydaları gözlənildiyi təqdirdə, tatunun insan orqanizminə ciddi təsirləri yoxdur:

“Tatuaj qədim dövrlərdən mövcuddur. İnsanlar müxtəlif məqsədlərlə ondan istifadə edib. Sovet dönəmində tatuyajdan əsasən həbsdə olanlar istifadə edib. Hazırda isə tatu kosmetik və estetik məqsədlərlə əlaqədar olaraq daha geniş yayılıb. 

Döymənin insan orqanizminə ciddi təsiri yoxdur. Amma döymədən istifadə edərkən, sterlink qaydaları gözlənilməzsə, bir xəstə insanda istifadə olunan materiallar digər insanda da istifadə olunarsa, bu zaman virus xəstəlikləri, hepatit B,C, SPİD qanla digərinə də keçə bilər. O baxımdan proses zamanı sterlik şərait ciddi şəkildə gözlənilməlidir. İynələr birdəfəlik olmalı, istifadə olunan məhlulların qalıqları atılmalıdır”. 

Ramiz