“AtaSığorta” ASC-nin sığorta haqqı azalıb.

Valyuta.az xəbər verir ki, “AtaSığorta” ASC 2025-ci ilin yanvar-aprel aylarında 3 milyon 313 min sığorta haqqı toplaya bilib. 

Hesablamalara əsasən bu, əvvəlki ilin eyni dövrü ilə müqayisədə 53 min manat və ya 2% azalma deməkdir.

2024-cü ilin yanvar-aprel aylarında isə “AtaSığorta” ASC-nin sığorta haqqı 3 milyon 366 min manat təşkil edib.  

Məlumata görə, sığorta şirkəti 2025-ci ilin yanvar-aprel aylarında 1 milyon 604 min manat sığorta ödənişi həyata keçirib. Ötən ilin eyni dövründə isə bu məbləğ 1 milyon 346 min manat olub. Nəticə etibarı ilə illik müqayisədə sığorta ödənişlərində 258 min manat və ya 19,16% artım olub. 

Yığımların azalması fonunda ödənişlərin artması sığorta şirkətinin zərərliliyinə, yəni ödəniş-yığım nisbətinə mənfi təsir edib 

Şirkət ötən ilin yanvar-aprel aylarında topladığı hər 100 manatdan təxminən 39,98 manatını, bu ilin eyni dövründə isə 48,41 manatını ödənişə yönəldib.

Sərvanə Rəmixanova