"Citigroup" bankı ABŞ prezidenti Donald Trampın Avropa İttifaqı ilə bağlı son açıqlamaları sonrası qızıl qiymətləri üçün yeni proqnozlarını paylaşıb. 

Valyuta.az xəbər verir ki, bankın proqnozuna görə, önümüzdəki 3 ay ərzində qızılın unsiya qiyməti 3500 dollar səviyyəsini keçə bilər. Analitiklər isə bazarların təxmin edilə bilməyən bir dövrdən keçdiyini bildirərək, qram qızılın 115 dollara qədər yüksələ biləcəyini istisna etmirlər.

Qlobal bazarlar Trampın Avropa İttifaqına qarşı tez-tez dəyişən tarif açıqlamaları səbəbilə qeyri-müəyyənlik içindədir. Son olaraq Tramp Aİ ilə ticarət sazişi üçün 9 iyulu son tarix olaraq elan edib və əvvəlcə 1 iyunda tətbiq ediləcəyi bildirilən 50%-lik gömrük rüsumunu təxirə salıb.

"Citigroup"un açıqlamasında belə deyilir:

"Ticarət müharibələri yeni mərhələyə qədəm qoyub. Hansı riskləri gətirəcəyini təxmin edə bilmirik. Bu səbəbdən qızıl, təhlükəsiz sərmayə vasitəsi olaraq önəmli qalmağa davam edəcək. 3200 dollar səviyyəsi investorlar üçün önəmli hədd olacaq".

Bank əlavə edir ki, ABŞ-ın artan böyük dövlət borcu, dollardan çıxışı və bunun qızılın lehinə işləməsini dəstəkləyir. Digər tərəfdən səhm bazarlarında yüksəliş hallarında isə qızıldan çıxış mümkündür.

"CNN Türk"ə danışan pul bazarları mütəxəssisi Şirin Sarı, qızıl bazarındakı son dalğalanmaları belə izah edib:

"Son həftələrdə 10 həftəlik yüksəlişin ardından qızıl bir qədər geri çəkildi. Trampın Aİ-yə 50% vergi təhdidi yüksəliş yaratmış, lakin bu vergi ertələndikdən sonra qızılda azalma müşahidə olunmuşdu. Çin ilə ABŞ arasında olan 90 günlük müvəqqəti sülh prosesi də qızıl üzərində təsirli olmuşdu. Qısa müddətdə 3200 dollar uns səviyyəsi yaxından izlənməlidir. Qram qızıl unsiya qiymətinə nisbətən daha güclü dayanır. Bu səbəblə 115 dollara və üzəri səviyyələr mümkün görünür.

Eniş zamanı alışlar artır. Dünyada dollardan çıxış, qızıla yönəliş davam edir. Bu tendensiyanın bir müddət daha davam edəcəyini düşünürük. Trump və digər geosiyasi risklər davam etdiyi müddətcə, qızıl müsbət qiymətlənəcək".

Paşa Məmmədli