2026-cı ilə qədər Elbrus dağında (Kabardin-Balkar Respublikası, Rusiya) alpinist şəhərciyi salınacaq.

Valyuta.az "Oxu.az"a istinadən xəbər verir ki, bu barədə Qafqaz İnvestisiya Forumu çərçivəsində "Kavkaz.RF" inkişaf institutunun nümayəndələri bildiriblər.

"Elbrusa dırmanmaq istəyənlərin hamısı bu yaşayış yerlərində qalacaqlar və son təyinat yeri "Priyut 11" tarixi hoteli olacaq", - "Kavkaz.RF" İnkişaf İnstitutunun baş direktorunun müavini Xisa Bekkayev bildirib.

O qeyd edib ki, alpinistlər üçün şəhərcik "Priyut 11" hotelinin altında tikiləcək. Layihənin 2026-cı ildə həyata keçirilməsi planlaşdırılır. Şəhərcik 68 yaşayış yeri olan 19 moduldan ibarət olacaq.

Qeyd edək ki, 5642 metr hündürlüyə malik Elbrus dağı Qafqaz və Rusiyanın ən hündür nöqtəsi sayılır.