“Şirin Agro" Qapalı Səhimdar Cəmiyyəti barəsində gömrük qaydaları əleyhinə olan inzibati xəta protokolu tərtib edilib.

Valyuta.az-ın məlumatına görə, İnzibati Xətalar Məcəlləsinin 483-cü maddəsi ilə inzibati xəta törədilməsinə dair protokol tərtib edilərək, baxılması üçün məhkəməyə göndərilib.

Məlum olub ki, şirkət 2024-cü ilin iyun ayında gömrük bəyannaməsi üzrə 1180.43 ABŞ dolları dəyərində “meyvə" məhsullarını Xaçmaz Gömrük İdarəsində rəsmiləşdirməklə Rusiya Federasiyasına ixrac edib və xarici iqtisadi fəaliyyətin həyata keçirilməsi nəticəsində əldə etdiyi xarici valyuta vəsaitlərini “Şirin Agro" QSC-nin Azərbaycanda müvəkkil edilmiş bankının hesabına köçürməyib. 

Məhkəmə şirkəti 354.12 ABŞ dolları məbləğində cərimə növündə tənbeh tədbiri tətbiq edib. 

Qeyd edək ki, İXM-in 483 maddasinə əsasən, xarici iqtisadi fəaliyyətin həyata keçirilməsi nəticəsində əldə edilmiş və Azərbaycan Respublikasının müvəkkil olunmuş banklarının hesablarına məcburi qaydada köçürülməli olan az miqdarda xarici valyuta vəsaitlərinin xaricdən qaytarılmamasına görə -inzibati xətanın bilavasitə obyekti olan xarici valyutanın dəyərinin otuz faizindən əlli faizinədək məbləğdə cərimə edilir.

Sabiq İsbəndərli