2024-cü ildə Azərbaycan Mərkəzi Bankının İdarə Heyətinin sədri, müavinlərinə və baş direktorlarına ümumilikdə 3 milyon 251 min manat həcmində ödəniş edilib.

Valyuta.az xəbər verir ki, bununla da 2023-ci ilə nisbətən Mərkəzi Bank rəhbərliyinə ödənişlər 39% və ya 878 min manat artıb.  

Belə ki, 2023-cü ildə AMB rəhbərliyi 2 milyon 337 min manat qazanmışdı. 

Mərkəzi Bank rəhbərliyinə ödənişlərin 2 milyon 701 min manatı sırf əməkhaqqı, 550 min manatı isə sosial fondlara ayırmalarla bağlı olub. 2023-ci ilə nisbətən Taleh Kazımov və komandasının əmək haqqı 40%, sosial ödəmələri isə 35% artıb. 

Qeyd edək ki, Azərbaycan Mərkəzi Bankının İdarə Heyətinin sədri Taleh Kazımov, sədrin I müavini Əliyar Məmmədyarov, sədr müavinləri isə Əli Əhmədov, Gülər Paşayeva, Vüsal Xəlilov və Toğrul Əliyevdir. 

Baş direktorların sayı 9, sədrin müşavirlərinin sayı isə 4 olub. Başqa sözlə, rəhbərlikdə təmsil olunanların orta illik əməkhaqqı 142,2 min manat təşkil edib. Amma təbii ki, vəzifə səlahiyyətlərinə görə, əmək haqqları fərqlənir. Əvvəlki dövrlərdə yayılan məlumatlara görə, AMB sədrinin illik qazancı 1 milyon manat və ya ondan çoxdur.

NARA