Cari ilin birinci rübünün sonuna Dövlət Neft Fondunun (ARDNF) aktivləri ilin əvvəli ilə müqayisədə 4,5 % artaraq 62 milyard 031,4 milyon ABŞ dolları təşkil edib.

Valyuta.az bu barədə Fonda istinadən xəbər verir.

Ötən ilin sonunda ARDNF-nun aktivlərinin həcmi 60 milyard 031,4 milyon ABŞ dolları idi.

Məlumata görə, bu ilin yanvar-mart aylarında ARDNF-in büdcə gəlirləri 3 249,2 milyon manat, büdcə xərcləri isə 3 643,3 milyon manat olub.

O cümlədən, Fondun neft və qaz sazişlərinin həyata keçirilməsi ilə bağlı gəlirləri 3 017,2 milyon manat, o cümlədən, mənfəət neftinin və qazın satışından 2 251,9 milyon manat, bonus ödənişləri və tranzit gəlirləri 765,3 milyon manat təşkil edib. Qeyd edək ki, sözügedən dövr ərzində ARDNF-yə AÇG yatağından 2 001,6 milyon manat, Şahdəniz yatağından isə 181,9 milyon manat məbləğində vəsait daxil olub.

Fondun vəsaitinin idarə olunmasından əldə edilən gəlir isə 232,0 mln manat olub.