Bu ilin yanvar ayında Azərbaycana 1,81 ton dondurulmuş səkkizayaqlı ilbiz idxal olunub. 

Valyuta.az statistik mənbələrə istinadən xəbər verir ki, idxal 15,63 min ABŞ dolları hesabına başa gəlib.

Məlumata əsasən, idxal prosesində adı keçən ölkələr Çin, Hindistan, İspaniya olub.

Belə ki, Çindən 200 kiloqram ilbiz idxal olunub ki, bu prosesin maliyyə dəyəri 2,07 min ABŞ dolları hesablanıb. Hesablamalara əsasən, bu ölkədən idxal olunan ilbizin 1 kiloqramı 10,35 dollar və ya 17 manat 60 qəpik hesablanıb. 

Sıralamada yer alan Hindistandan isə 910 kiloqram dondurulmuş səkkizayaqlı ilbiz idxal olunub. İdxal dəyəri 6,45 min ABŞ dolları olaraq hesablanıb. Bu ölkədən idxal olunan məhsulun 1 kiloqramı 7,09 dollar və ya 12 manat 50 qəpik olub.

Sonuncu olaraq, dondurulmuş səkkizayaqlı ilbiz idxal etdiyimiz ölkə olan İspaniyadan 7,11 min ABŞ dolları dəyərində 700 kiloqramlıq səkkizayaqlı ilbiz almışıq. Bu ölkədən aldığımız məhsulun 1 kiloqramı 10,16 dollar və ya 17 manat 27 qəpik təşkil edib.

Sərvanə Rəmixanova