“MECC” MMC-nin külli miqdarda vergi borcu yaranıb.

Valyuta.az xəbər verir ki, şirkətin hazırda 130 466,17 manat vergi borcu var. “MECC” MMC 2015-ci ildə qeydiyyata alınıb. Nizamnamə kapitalı 10 manatdır. Şirkətin qanuni təmsilçisi Abbaszadə Nahid Nadir oğludur.

Bir neçə il əvvəl “MECC” MMC “6-cı Mərtəbə” MMC ilə aralarındakı borc qalmaqalına görə gündəmə gəlmişdi. Həmin vaxt “MECC” MMC-nin rəhbəri bildirmişdi ki, “6-cı Mərtəbə“ MMC “Şərq Bazarı” kompleksinin bərpası və yenidənqurulması layihəsində podrayçı şirkət olub. “MECC” MMC isə layihədə subpodratçı şirkət kimi fəaliyyət göstərməyib. Şirkət üzərinə düşən işləri tamamlasa da, “6-cı Mərtəbə” onlara çatacaq pulu verməyib. Şirkətin direktor köməkçisi Salman Salmanzadə keçirdiyi mətbuat konfransında qeyd etmişdi ki, "6-cı Mərtəbə” MMC-nin onlara 1 milyon 400 min manatdan artıq çox borcu var.

Hüseyn