4 – 16 Aprel tarixləri arasında EmpowerMe - Gənc Sahibkarlıq Bootcampı keçiriləcək.

Valyuta.az xəbər verir ki, Gənc Sahibkarlıq Bootcampı, biznes modelinin qurulmasından maliyyə planlaşdırmasına, prototip hazırlanmasından investor təqdimatlarına qədər geniş bir mövzuda təlim və mentorluq dəstəyi təqdim edəcək.

Bu proqrama Azərbaycanda yaşayan 15-30 yaş arası gənclər, ən az 3 üzvü olan komandalar, ən az bir üzvü orta səviyyədə İngilis dili biliklərinə sahib komandalar qatıla bilər.

Gənc Sahibkarlıq Bootcamp-ı Nələr Təklif Edir?

Sahibkarlıq Təlimləri: Biznes modelinin qurulması, bazar araşdırması, MVP, marketinq və böyümə strategiyaları, maliyyə planlaması, təqdimat bacarıqları və pitch deck hazırlığı.

Mentorluq Dəstəyi: Mütəxəssislərlə fərdi mentor görüşləri və qrup işləri.

Praktiki Layihə İnkişafı: No-code vasitələri ilə prototiplər yaratmaq.

Şəbəkə Qurma: Sahibkarlar və ekosistem mütəxəssisləri ilə tanışlıq və əlaqə qurma imkanı.

İrəliləyiş İmkanları: Seçilmiş 5 startap üçün beynəlxalq akselerasiya proqramlarına qatılmaq imkanı.

Qeyd edək ki, EmpowerMe: Gənclik Proqramı, Türkiyə, Azərbaycan, Qazaxıstan və İordaniyadakı gənclərin 21-ci əsr bacarıqlarını inkişaf etdirməyi hədəfləyən hərtərəfli beynəlxalq proqramdır. Alshaya Qrupu, Habitat Dərnəyi və Starbucks Fondu əməkdaşlığı ilə həyata keçirilən proqram, sahibkarlıq və rəqəmsal bacarıqlar vasitəsilə gənclərin sosial və iqtisadi dayanıqlığını gücləndirməyə yönəlib.