1 yanvar 2025-ci il tarixinə Azərbaycan Respublikasının dövlət borcu (daxili və xarici dövlət borcu) 27 mlrd. 380,2 mln. manat təşkil edib.

Valyuta.Az-ın Maliyyə Nazirliyindən əldə etdiyi məlumatlara əsasən, ümumi dövlət borcunun 8 mlrd. 720,5 mln. manatı (5 mlrd. 129,7 mln. ABŞ dolları) xarici dövlət borcunun, 18 mlrd. 659,7 mln. manatı daxili dövlət borcunun payına düşüb.

Xarici dövlət borcunun valyuta tərkibi aşağıdakı kimi olub: 
* ABŞ dolları – 86,1 % 
* Avro – 5,8 %
* XBH (Beynəlxalq Valyuta Fondunun Xüsusi Borcalma Hüquqları) – 3,4 %
* Yapon yeni – 3,1 %, 
* Digər valyutalar – 1,6 %

8 mlrd. 720,5 mln. manatlıq xarici dövlət borcunun kreditorlar üzrə bölgüsü aşağıdakı kimidir:

* Asiya İnkişaf Bankı - 1 mlrd. 801,4 mln. dolları və ya 3 mlrd. 62,4 mln. manatı 

* Avrobond üzrə investorlar  - 1 mlrd. 387,3 mln. dollar və ya 2 mlrd. 358,4 mln. manat

* Dünya Bankı - 811,8 mln. dollar və ya 1 mlrd. 380,1 mln. manat

* İslam İnkişaf Bankı - 256,1 mln. dollar və ya 435,4 mln. manat

* Avropa Yenidənqurma və İnkişaf Bankı - 249,3 mln. dollar və ya 423,8 mln. manat

* Yaponiya Beynəlxalq Əməkdaşlıq Agentliyi - 157,1 mln. dollar və ya 267,1 mln. manat

* Asiya İnfrastruktur və İnvestisiya Bankı - 92,9 mln. dollar və ya 157,9 mln. manat

* Digər kreditorlar - 373,8 mln. dollar və ya 635,4 mln. manat.

Bundan savayı ölkənin valyuta ehtiyatları (Azərbaycan Respublikası Dövlət Neft Fondu və Azərbaycan Respublikasının Mərkəzi Bankı) 71,0 mlrd. ABŞ dolları məbləğində olmaqla xarici dövlət borcunu təqribən 14 dəfə üstələyib. 

Məlumata əsasən, xarici dövlət borcunun 49 %-i 5 ilə qədər olan müddətdə, 44,9 %-i 5 ildən 10 ilə qədər olan müddətdə, 6,1 %-i isə 10 ildən yuxarı olan müddətdə kreditorlara qaytarılmalıdır.

Rəhim