Bahar Qaraxanova
        Aparıcı mühasib

Səni heç kim gözləmir;

Heç bir şirkət sənin üçün xüsusi qapı açmır. Sən qapını döyməlisən, bəzən isə qapını sındırıb içəri girməlisən.

CV-in “maraqlı” deyil;

Sadəcə universitet bitirmək və ya sertifikat almaq yetərli deyil. Sənin nə bacardığın maraqlıdır.

Əməkhaqqını yox, öyrənəcəyin şeyləri düşün;

İlk işində səndən istifadə edəcəklər – bu normaldır. Amma əsas odur ki, sən də işdən istifadə edəsən, bilik və təcrübə qazanıb böyüyəsən.

“Mənə iş verin” yanaşması keçərli deyil;

Şirkətlərə nə qazandıra biləcəyini göstər. Yoxsa, yüzlərlə “iş axtaran” arasında itib-batacaqsan.

Rədd cavabı almaq normaldır;

Ən güclü namizədlər belə onlarla, bəzən yüzlərlə dəfə rədd edilir. Amma geridə qalanlar yox, davam edənlər qazanır.

Mükəmməl iş yoxdur;

İlk işin həmişə ideal olmayacaq. Amma bu, sənin inkişaf etməyinə mane olmamalıdır.

Məsuliyyət götürməkdən qorxma;

Kiçik tapşırıqları ciddi qəbul et. Bugünkü xırda işlər sabahkı böyük fürsətlərin əsasını qoyur.

Başlamısansa, sona kimi get!