2024-cü ildə fiziki şəxslər tərəfindən Azərbaycandan xaricə toplamda 526 milyon 759 min dollar köçürülüb.

Valyuta.Az bu barədə Mərkəzi Bankdan məlumat əldə edib. 

Məlumata əsasən, sözügedən dövrdə fiziki şəxslər tərəfindən ən çox pul köçürülən ölkə Türkiyə olub. 1 il ərzində Türkiyəyə 151 milyon 837 min dollar köçürülüb. 

İlk üçlüyü isə Amerika Birləşmiş Ştatları və Rusiya Federasiyası tamamlayıb. Belə ki, Birləşmiş Ştatlara yanvar-dekabr aralığında fiziki şəxslər 60 milyon 425 min dollar, Rusiyaya isə 57 milyon 988 min dollar vəsait köçürüb. 

2023-cü illə müqayisədə fiziki şəxslər tərəfindən Rusiyaya köçürülən pul vəsaitlərində azalma qeydə alınsa da Türkiyə və ABŞ-yə göndərilən məbləğdə artım müşahidə olunub. Sözü gedən dövrdə Rusiyaya 74 milyon 184 min dollar, Türkiyə və ABŞ-yə isə müvafiq olaraq 146 milyon 140 min dollar və 54 milyon 801 min dollar köçürülüb. 

Toplamda isə 2023-cü ildə 550 milyon 126 min dollar pul köçürülüb. Bu isə 2024-cü illə müqayisədə 4.44 % daha çoxdu. 

Rəhim