"PepsiCo" bazar ertəsi açıqlayıb ki, prebiotik soda markası "Poppi"ni 1,95 milyard dollara satın alacaq. 

Valyuta.az xarici mənbəyə istinadən xəbər verir ki, bu addım şirkətin "sağlam qazlı içkilər" kateqoriyasındakı mövqeyini gücləndirmək məqsədi daşıyır. Son illərdə ABŞ-da sağlam içkilərə və enerji içkilərinə olan tələbat artıb. Xüsusilə gənc nəsil sağlam həyat tərzi və fitness yönümlü məhsullara daha çox üstünlük verir. Bu tendensiyanı nəzərə alan "PepsiCo" bazardakı mövqeyini genişləndirmək üçün yeni strategiyalar həyata keçirir.

Yeni razılaşma şirkətin daha sağlam alternativlərə yönələn istehlakçı tələbatına cavab vermək və bazarda rəqabət gücünü artırmaq məqsədini daşıyır.

Sərvanə Rəmixanova