Azərbaycan Respublikası Səhiyyə Nazirliyinin tikilməkdə olan müəssisələrinin müdiriyyəti yeni tender elan edib.

Valyuta.Az xəbər verir ki, elan edilən tender Bakı şəhəri, Sabunçu rayonu, Maştağa qəsəbəsində layihələndirilən İxtisaslaşmış Narkoloji Tibb Müəssisəsinin tikintisinin davamı ilə bağlıdır. 

6 may 2025-ci ilə qədər davam edəcək tender üçün satın alma predmetinin ehtimal olunan qiyməti 18.522.080,00 AZN-dir. 

Xatırladaq ki, tikintinin I mərhələsində də nazirlik 7.379.965,68 AZN ayırmışdı və müvafiq işlərlə bağlı 24 noyabr 2023-cü ildə “Uni Ko” QSC ilə müqavilə imzalamışdı.

Bununla da sözü gedən tibb müəssisənin tikintisinə ayrılan vəsait 25 milyon manatı keçdi.

Qeyd edək ki, 27 may 2009-cu ildə dövlət qeydiyyatına alınan 1000020 manat nizamnamə kapitalına malik “Uni Ko” QSC-nin qanuni təmsilçisi Axundov Elçin Muxtar oğludur. Qusar şəhərində anadan olan Şəfiddin Pirmətov Seyfəl oğludur.

Lakin şirkətin rəsmi saytındakı məlumatlara əsasən, tikinti şirkəti 2007-ci ildə fəaliyyətə başlamışdır. 

“Uni Ko” QSC daha öncə Ağdam Rayon Mərkəzi Xəstəxanasının (210 çarpayılıq) tikintisi də həyata keçirmişdi. II mərhələdə tikintisi həyata keçirilən xəstəxana üçün Nazirlik müxtəlif vaxtlarda QSC-yə 4.915.253,88 AZN və 19.469.946,11 AZN vəsait ödəmişdi.

Bundan başqa Füzuli Rayon Mərkəzi Xəstəxananın tikintisi də sözü gedən QSC-yə tapşırılmışdı. Bunun üçün isə tərəflər arasında imzalanan müqavilənin dəyəri 70 milyon manat olub. 

Təhsil Nazirliyi də vaxtilə tikinti işləri üçün "Uni Ko"ya milyonlar ayırıb. Təhsil Nazirliyinin təsərrüfathesablı Əsaslı Tikinti və Təchizat İdarəsi ilə şirkət arasında Mingəçevir Dövlət Universiteti üçün yeni kampusun yaradılması (tikintinin I fazasının I mərhələsi üzrə) üzrə 2023-cü ildə 12.062.432 AZN dəyərində müqavilə imzalanmışdı.

“Uni Ko” QSC Azərbaycanda bir neçə iri layihələrin müəllifi kimi tanınır. Bu layihələrin sırasında aşağıdakıların adlarını çəkmək olar:

Heydər Əliyev Mərkəzi

Su İdmanı Sarayı

“British Petroleum” ofis binası

Dövlət Neft Fondunun inzibati binası

Bona Dea Beynəlxlaq Xəstəxanası

Heydər Əliyev adına Müasir Təhsil Kompleksi

İqtisad Universitetinin 3 saylı tədris korpusu

Bakı Avropa Liseyinin yeni binası

İqtisadiyyat Nazirliyi yanında Dövlət Vergi Xidmətinin inzibati binası

Ağdam şəhəri 1 saylı məktəb

Rəhim