İndoneziya prezidenti Prabovo Subianto ölkənin yeni suveren fondu Danantara-nın açılış mərasimini keçirib.

Valyuta.az "Reuters"ə istinadən xəbər verir ki, fondun idarə olunan aktivlərinin cəmi 900 milyard dollar olacağı gözlənilir. 

Danantara vasitəsilə hökumət xüsusilə dövlət şirkətlərinin aktivlərini idarə edəcək.

Bu gün bildirilib ki, fond nikel, boksit, mis, süni intellekt, neft emalı zavodları, bərpa olunan enerji və qida istehsalı sahələrində 20-dən çox layihəyə investisiyanın ilk mərhələsində 20 milyard dollar yönəldəcək.

Səlahiyyətlilər ümid edirlər ki, bu, ölkənin iqtisadi artımını indiki 5%-dən ildə 8%-ə qədər sürətləndirməyə kömək edəcək. Bu, seçki kampaniyası zamanı Subianto tərəfindən qoyulan hədəfdir. O, daha əvvəl iqtisadi artımı artırmaq üçün çox milyard dollarlıq büdcə ixtisarını elan etmişdi.

Danantara İndoneziyanın ikinci suveren sərvət fondudur. Birincisi, İndoneziya İnvestisiya Təşkilatı 10,5 milyard dollar dəyərində aktivləri idarə edir.

Paşa Məmmədli