Donald Tramp ölkəsinin Ukraynaya Avropadan daha çox yardım etdiyini vurğulayaraq, "Xərclədiyimiz bütün pulların qarşılığında bizə nəsə vermələrini istəyirəm. Pulumuzu geri alacağıq. Çünki bu, heç ədalətli deyil", – deyə bildirib. O, Ukraynadan nadir elementlər və neft istədiklərini qeyd edib.  

Valyuta.Az xəbər verir ki, Tramp bu fikirləri "Mühafizəkar Siyasi Fəaliyyət Konfransında" ("CPAC") çıxışı zamanı səsləndirib. Ağ Evə qayıtdıqdan sonra atdığı addımları xatırladan Tramp, sərhəd təhlükəsizliyi tədbirləri, imzaladığı prezident fərmanları və federal hökumətin yenidən formalaşdırılması ilə bağlı səylərindən danışıb. O, çıxışında özündən əvvəlki prezident Co Baydeni və onun administrasiyasını da sərt tənqid edib.  

Tramp, Baydenin prezidentliyi dövründə kifayət qədər yaşlandığını və qumda belə çətinliklə yeridiyini bildirərək, "O, təxminən altı unsiya ağırlığında bir şeyi çəkərək yeriyirdi. Bilirsiniz, o alüminium parçaları. Baxın, alüminium çox yaxşıdır. Uşaqlar və yaşlılar üçün qaldırmaq daha asandır, elə deyilmi?" – deyə ironik ifadələr işlədib.  

"Bayden ən pis prezidentdir"

Baydeni "ölkə tarixindəki ən pis prezident" adlandıran Tramp, "Mənə fərqi yoxdur. Bunu deyəcəyəm" sözlərini işlədib. O, Baydenin prezidentliyi dövründə hər şeyi bərbad etdiyini bildirərək, "Bu qarışıqlığı təmizləməliyəm. Təmizləyirəm. Bu, xaosdur. İnflyasiya və sərhəd problemləri. Əlini vurduğu hər şeyi məhv edib. Elə deyilmi? Hər şeyi. Bu, həqiqətdir", – deyə əlavə edib.  

"Ukraynadan nadir elementlər və neft istəyirik"

Ukrayna-Rusiya müharibəsi və sülh danışıqlarına toxunan Tramp, ABŞ-nin Ukraynaya göstərdiyi yardımın qarşılığını almaq niyyətində olduğunu bildirib:  "Avropa 100 milyard dollar verdi, ABŞ isə 350 milyard dollar. Çünki bizdə axmaq və bacarıqsız bir prezident və administrasiya vardı", – deyə qeyd edib.  

O əlavə edib: "Xərclədiyimiz bütün pulların qarşılığında bizə nəsə vermələrini istəyirik. Yəni, nadir elementlər və neft istəyirik. Nə əldə edə biliriksə".  

HƏMÇİNİN OXU: Trampın Ukraynadan istədiyi nadir torpaq elementləri nədir?

"Pulumuzu geri alacağıq. Çünki bu, heç ədalətli deyil", – deyə vurğulayan Tramp, bu məsələ ilə bağlı Ukrayna ilə təmasda olduqlarını və razılığa yaxın olduqlarını qeyd edib.

O, Ukraynadakı müharibənin sona çatmalı olduğunu bir daha təkrarlayaraq, "Prezident Vladimir Putinlə görüşdüm və bunun bitməli olduğunu düşünürəm, bitməlidir. Prezident Volodimir Zelenski ilə də görüşürəm. Prezident Putinlə də görüşürəm", – deyə bildirib.  

Rəhim