“Ferrari”nin məşhur modellərindən olan “Ferrari F430” yanacaqdoldurma məntəqəsində qəflətən alışıb.

Valyuta.az-ın xəbərinə görə, Tennessi ştatında yanacaqdoldurma məntəqəsində baş verən xoşagəlməz hadisə nəticəsində “Ferrari F430” alovlanıb və az qala kül olub.

Yanğının səbəbi hələlik bəlli deyil, lakin səlahiyyətlilər hadisənin nəqliyyat vasitəsi, qaz nasosu və ya istifadəçi xətası səbəbindən baş verməsini araşdırmağa davam edir. “Signal Mountain Yanğından Mühafizə İdarəsi” yanğına tez müdaxilə etsə də, Ferrarinin arxa hissəsi tamamilə yanıb. Hadisə yerindən paylaşılan fotolarda avtomobilin arxa yarısının tamamilə yanaraq yararsız hala düşdüyü görünür.

Yanğından sonra stansiyada nasoslar dayandırılıb, təhlükəsizlik məqsədilə bəzi nəqliyyat vasitələrinin hərəkəti dayandırılıb. 

İstifadəçilərdən birinin sözlərinə görə, “Ferrari F430” sahibləri əvvəllər avtomobilin yanacaq doldurma sistemində problem ola biləcəyi barədə bəzi şeylər desələr də, modeldə belə bir problemin olub-olmadığına dair konkret sübut yoxdur.

Əvəz Həsənov