Qonşular arasında səs-küyə görə yaranmış problemin qanuni tərəfləri nələrdir?

Valyuta.az bu barədə Vəkillər Kollegiyasının üzvü, vəkil Qumru Eyvazovanın şərhini təqdim edir:

“Mülki Məcəllənin 171-ci maddəsində qonşu təsirinə dözmək vəzifəsi göstərilib. Həmin maddəyə əsasən torpaq sahəsini və ya digər daşınmaz əmlakın mülkiyyətçisi, əgər, öz sahəsindən istifadə etməkdə ona maneəçilik yaranmırsa və ya hüququ əhəmiyyətli dərəcədə pozulursa, qonşu sahədən qazın, buxarın, səs-küyün, digər oxşar amillərin öz sahəsinə təsirinə qadağan edə bilməz. 

Amma elə hallar da olur ki, səs-küy gecə saatlarında, yəni saat 00:00-dan 07:00-a qədər olan vaxtda baş verir. Bu zaman İnzibati Xətalar Məcəlləsinin 521-ci maddəsində göstərilən müddəalar tətbiq edilir. Yəni, fiziki şəxslər 150 manatdan 200 manata qədər, vəzifəli şəxslər 2 min manatdan 2 min 500 manata qədər məbləğdə cərimə edilirlər.”

Əvəz Həsənov